in

9 من أحلى الأماكن للفطار في القاهرة

اليوم الحلو بيبان من أوله وعشان كده الفطار عنصر مهم جدا في اليوم خصوصا في الخروجات الي بتبدأ من الصبح. جمعنالكم 9 أماكن تجربوها لفطار مايتنسيش!!

1# كراكاس (CARACAS)

كركاس

كراكاس مطعم وكافيه لبناني بيقدم مجموعة من الأطباق التقليدية اللبنانية زي اللبنة واللبنة بالزعتر والمناقيش مع تشكيلة أطباق متنوعة من البيض والفلافل والفول اللبناني وأطباق كتير تستاهل تكتشفوها!

2# زووبا (ZOOBA)

زووبا

زووبا بيقدم أكل الشارع المصري بجودة ونضافة مضمونين، غير إن ستايل المطعم بيجمع بين الشكل العصري والتراث المصري القديم. المنيو فيه كل أطباق الفطار التقليدي ومجموعة أطباق لذيذة من ابتكار المطعم، اللي بيتقدموا بشكل بسيط زي عربيات الفول.


3# پول (PAUL)

بول

مطعم پول مكان ممتاز لتجربة المطبخ الفرنساوي بكل أشكاله! هنلاقي عندهم أحسن مخبوزات فرنساوية طازة وفطارهم الأوروبي المميز، غير السندوتشات الكلاسيك والحلويات اللذيذة

4#كازوزه (KAZOUZA)

كازوزة

كازوزة مطعم صغير في شارع 9 في المعادي بيقدم أكل الشارع المصري المعروف، منيو الفطار عندهم فيه كل الأطباق المشكلة زي البيض بالبسطرمة والفول بالزبدة والسلطات والفطير والعسل وغيرهم، وساندوتش السكلانس عندهم رهيب، مليان قشطة وعسل وحلاوة وفوقيهم مربى فراولة!

6# تي بي إس (TBS – THE BAKERY SHOP)

TBS

لو عايزين نجرب إحساس الفطار الأوروبي بالمخبوزات الطازة اللي ريحتها لا تقاوم وطعمها ما يتشبعش منه، نروح تي بي إس! كمان بنقدر نشوف الأكل وهو بيتعمل وده بيخلينا نضمن النضافة والجودة زائد انها تجربة بتفتح شهيتنا أكتر على الأكل.



7# لوسيلز (LUCILLE’S)

لوسيلز

لوسيلز مطعم في المعادي متخصص في المطبخ الأمريكي، بيقدم تشكيلة واسعة من أطباق الفطار الأمريكي ومشهور بتقديم أحسن بانكيك في مصر! المطعم معروف من سنين على إنه واحد من أحلى الأماكن للفطار في القاهرة.

8# قهوة (QAHWA)

قهوة

مطعم قهوة في الشيخ زايد و التجمع بيقدم أحسن وجبات فطار تقيل (برانش)، من أول تشكيلة أطباق الجبنة الممتازة وريحة العيش الطازة وأطباق البيض اللي بيتعمل بأكتر من طريقة على ذوقك مع مجموعة إضافات كتيرة زي الماشروم واللحمة المفرومة والبطاطس وغيرهم

9# أوڤيو (Ovio)

ovio

مطعم أوڤيو مشهور بأطباق البيض اللي بيقدمها بطرق مختلفة وجديدة مع التوست أو البانكيك والخضار! ومن أحلى الحاجات عندهم الحلويات زي البانكيك بالموز والكراميل وغيرها، الأكل الأوروبي هناك هيعيّشك تجربة السفر والأكل في أوروبا فعلا!

10# بلدينا (Baladina)

بلدينا

مطعم بلدينا قعدته لطيفة وبيوفر جو حلو للفطار. أطباق الفطار عندهم متنوعة من أول الطعمية المقرمشة والفطار المصري التقليدي للفطير المشلتت مع العسل بالطحينة!