in

8 طرق جديدة لأكل البطيخ لازم تجربوها!

8 طرق جديدة لأكل البطيخ لازم تجربوها!

بما إن البطيخ من أكتر الفواكه اللي بتنعش وترطب الجسم في الصيف، محتاجين نجربه بطرق مختلفة بين الحلو والحادق عشان ما نزهقش منه أبدا!

1# في السندوتشات

أي سندوتش خفيف بنعمله ممكن نبدل الطماطم فيه بشريحة بطيخ رفيعة تدي السندوتش طعم جديد وتخليه منعش أكتر بكتير!

2# مع المأكولات البحرية

مزازة البطيخ والسكر اللي فيه بيخليه طعمه مش معقول مع الجمبري وباقي المأكولات البحرية، كمان بيضيف للوجبة ألياف ويخليها مرطبة أكتر للجسم.


3# آيس كريم بطيخ

لو حطينا عصير البطيخ في قوالب آيس كريم أو كوبايات وحطينا فيها عصيان الآيس كريم ودخلناهم الفريزر، هنخلي أحلى حاجتين في الصيف يبقوا حاجة واحدة!

4# ليمون بالبطيخ

الليمونادا الساقعة هتبقى أحلى بكتير جدا بالبطيخ، طعم البطيخ هيخفف لسعة الليمون ويخلينا نستمتع بمشروب منعش ومفيد أكتر!

5# نشرب من البطيخة على طول

طريقة سهلة جداً لتزيين السفرة بحاجة جديدة، هنفضي البطيخة ونعصرها مع ليمون ونعناع أو أي عصير نحبه ونصب العصير في قشرة البطيخة ونستمتع بالإحساس الاستوائي واحنا بنشرب من البطيخة مباشرة!



6# في السلطة

مش بس سلطة فواكه، ممكن نضيف بطيخ للسلطة الخضرا بدل الطماطم أو حتى معاها وهينقل طبق السلطة لمستوى مختلف تماماً ويزود فايدتها كمان!

7# مع الجبنة البيضا

أحلى وأخف وجبة ممكن ناكلها في أي وقت من اليوم، وخصوصا مع النعناع اللي بيخلي طعم البطيخ أقوى ومنعش أكتر بمراحل!

7# ديتوكس منعش

لو نقعنا مكعبات بطيخ في المياه وسيبناها في التلاجة لتاني يوم هيبقى عندنا ديتوكس بيساعد في تنضيف الجسم من السموم وفي نفس الوقت منعش وخفيف جدا، والأحلى انه بيدي المياه طعم جميل ومميز!

8# تارت البطيخ المتلج

تحلية سهلة جدا وخفيفة لإنها عبارة عن بطيخ وزبادي، لكن طعمها يجنن ومناسبة لكل الأوقات .. شوفوا الوصفة كاملة من هنا