in

8 أنواع أكل مايتخافش عليها!

هنقولكم على 8 أنواع أكل مش محتاجين نشوف تاريخ صلاحيتها ولا نخاف عليها إنها تبوظ!

#1 عسل النحل الخام

عسل النحل الخام مليان فوايد صحية ومابيبوظش ولا صلاحيته بتنتهي. لدرجة إن علماء الآثار بيلاقوا برطمانات عسل عمرها آلاف السنين في القبور الفرعونية!

#2 الخل

مع فوايد الخل الصحية اللي من ضمنها انه بيساعد في تقليل الوزن، الخل ممكن يفضل في مطبخنا للأبد! لإن الخل مادة حمضية بيحفظ نفسه بنفسه ومش محتاج يتحط في التلاجة.


#3 نشا الدرة

لو خزننا النشا في مكان بارد بعيد عن الرطوبة والمياه هيعيش معانا أكتر مما ممكن نتخيل! السر في طريقة التخزين.

#4 الملح

كلوريد الصوديوم الخام كان موجود في الطبيعة لملايين السنين، طبيعي إن الملح يعيش معانا للأبد. غير إن الملح بيستخدم كمان عشان يحافظ على الأكل لفترة أطول بعيد عن العفن والبكتيريا

#5 البقوليات الناشفة

الفاصوليا البيضا مثلا ممكن تعيش لوقت طويل جدا بشرط انها تتخزن في علبة أو كيس مقفول كويس عشان ما يدخلهاش هوا. بس الفاصوليا القديمة بتاخد وقت أطول في الطبخ



#6 السكر

زي الملح، السكر ما بيبوظش، لو اتخزن بعيد عن الحرارة والرطوبة. ممكن شكله يتغير شوية أو يتكتل لكن ما بيبوظش

#7 الرز

سواء خزننا الرز في دولاب المطبخ أو في التلاجة أو الفريزر، الرز هيفضل سليم في كل الحالات

#8 صوص الصويا

من الحاجات اللي صلاحيتها ما بتنتهيش، يعني ما نقلقش لما نلاقي إزازة صلصة صويا في التلاجة مش فاكرين من إمتى