in

7 مكونات غير متوقعة تضيفوها لأكل أطعم بكتير!

7 مكونات غير متوقعة تضيفوها لأكل أطعم بكتير!

الالتزام بالوصفة حلو لكن أحيانا الاختراعات بتكون أحلى! جمعنالكم 7 مكونات موجودة في كل مطبخ مش هتتخيلوا هتخلي وصفات الأكل اللي بنعملها أحلى قد ايه!

1# نعصر ليمون على المكرونة!

ممكن بدل ما نحط ملح في مياه سلق المكرونة نعصر نص ليمونة، هتخلي المكرونة تستوي بشكل أحسن وتخلي طعمها أقوى وفيه لسعة خفيفة هتدينا طعم ألذّ.

2# نتبل ستيك اللحمة (البفتيك) بالقهوة!

عايزين نتبل الستيك بتتبيلة تخلي طعمه أقوى؟ هنخلط القهوة أو الاسبريسو المطحون مع بهارات اللحمة (البابريكا والملح والفلفل الاسود والكمون)، وندوق ستيك زي بتاع المطاعم!


3# نقلي البيض بالجبنة الكريمي

اللي يجرب البيض بالجبنة الكريمي صعب يرجع ياكل البيض العادي. هنسيح معلقتين كبار زبدة في الطاسة ونسيح معاهم ربع كوباية جبنة كريمي ونضيف عليهم البيض المضروب ونسويهم على نار متوسطة لحد ما البيض يستوي، ونستمتع بأحلى بيض هشّ وطعمه ما يتوصفش!

4# نضيف كريمة حامضة لصوص المكرونة

الكريمة الحامضة هتخلي صلصلة المكرونة كريمي وغنية أكتر وهتنقل الطعم لمستوى تاني. ربع كوباية كريمة حامضة لكل كوبايتين صلصة هيدونا صلصة مكرونة قوامها وطعمها هايلين!

5# ونضيف سكر لصلصة الطماطم

صلصة الطماطم في الأساس بتعتمد على إن الطماطم يكون طعمها مسكر شوية، لكن لو الطماطم مش مسكرة، نقدر نعوض الفرق ده بإننا نضيف رشة سكر بسيطة للصلصة، وده السر اللي بيخلي صلصة الطماطم في المطاعم أحلى من اللي بنعملها في البيت.



6# نجرب الشوربة بدريسنج السلطة!

لو عندنا دريسنج سلطة جاهز بالجبنة الزرقا ممكن نضيف منه شوية على الشوربة قبل ما نطفي عليها مباشرة، الدريسنج هيضيف للشوربة نكهة جديدة ومميزة جداً من غير أي مجهود زيادة أو خطوات مختلفة.

7# نعمل الفراخ المقرمشة ببسكوت بالجبنة

ممكن نطحن البسكويت اللي بطعم الجبنة خشن ونستخدمه بدل البقسماط في عمايل الفراخ المقرمشة. نغطي الفراخ بالبيض وبعدين بالبسكويت المطحون، هيخلي الفراخ أطعم ومقرمشة أكتر!