in

7 أكلات تقلل الأملاح في الجسم!

7 أكلات تقلل الأملاح في الجسم!

زيادة الأملاح في الجسم بتسبب مشاكل صحية كتيرة زي الضغط العالي ومشاكل الكلى وأمراض تانية كتير. وتقليل الملح في الأكل لوحده مش كفاية، الحل الصح هو إننا ناكل الأكلات اللي تحقق التوازن في الجسم وتتخلص من الأملاح االزيادة!

1# البرتقال

البرتقال غني بالبوتاسيوم والمياه، ده بيخليه يوازن معدلات الصوديوم في الجسم ويتخلص من الزيادة اللي بتحبس المياه وتسبب انتفاخ وتقل في الجسم كله. أكل البرتقال أو شرب عصيره هيقلل نسبة الأملاح المتراكمة في الجسم.

2# البقوليات

الفول والفاصوليا الحمرا أو البيضا واللوبيا، كلها مصادر أكلات هتمد الجسم بجرعة كبيرة من البوتاسيوم اللي هيوازن معدلات الصوديوم في الجسم. مع مراعاة تأثيرهم برضه على مستوى البروتين في الجسم.


3# الموز

الموز من أكتر الفواكه الغنية بالبوتاسيوم واللي ليها فوائد صحية كتير. نسبة البوتاسيوم العالية في الموز هتعمل توازن في الجسم مع نسبة أملاح الصوديوم عشان تخليها في المستوى الطبيعي المناسب للجسم.

4# السبانخ

السبانخ فيها نسبة بوتاسيوم عالية جدا وده بيخليها تمنع أي تأثير لزيادة الصوديوم في الجسم، غير إنها بتمد الجسم بعناصر ومعادن أساسية وألياف وبتحافظ على توازن نسبة السوايل في الجسم.

5# الفواكه المجففة

الفاكهة المجففة زي الزبيب والمشمش المجفف وغيرهم ليهم قيمة غذائية عالية وتعتبر وجبات قزقزة أفيد كتير من الأكل المصنع اللي كله أملاح. غير إنها غنية بالبوتاسيوم، كبشة منها في اليوم تساعدنا في طرد الأملاح الزيادة من الجسم!



6# البقدونس

مع إن البقدونس فيه صوديوم مع البوتاسيوم، لكن توازن العناصر الغذائية فيه بيخليه يحقق التوازن في الجسم ويتخلص من أي أملاح زايدة لإنه بيساعد على تدفق السوايل في الجسم بشكل طبيعي وبيتخلص من السموم والفضلات.

7# المياه

شرب المياه ضروري لتقليل تركيز الملح في الجسم لإن المياه هي اللي هتخرج الملح الزيادة. مع الأكلات الغنية بالبوتاسيوم اللي هتمنع الملح من تخزين المياه أو التراكم في الجسم، ونقدر نزود المياه شرايح ليمون أو خيار أو جنزبيل، تتخلص من السموم وتنضف الجسم وتخليه مترطب أحسن!
شوفوا كمان 6 أكلات يقللوا ريحة العرق