in

6 استخدامات مفيدة لقشر الموز ماتخطرش على بالك!

6 استخدامات مهمة لقشر الموز ماتخطرش على بالك!

قشر الموز مليان فوايد ما تقلش عن فوايد الموز نفسه، بدل ما نرميه نقدر نستغل فوايده في الأكل وفي الحياة اليومية باستخدامات ماكناش نعرفها!

1# قشر الموز بيطرِّي اللحوم

لو بنعمل ستيك لحمة أو صدور فراخ في الفرن ومش عايزينها تنشف، ممكن نلفها بقشر الموز قبل ما ندخلها الفرن. اللحمة طعمها مش هيتأثر لكن هتبقى طرية جداً!

2# وبديل ممتاز لتلميع الجزم!

قشرة الموز مليانة بوتاسيوم اللي يعتبر المكون الأساسي في ورنيش الجزم، عشان كده نقدر نستخدم قشر الموز لو الورنيش خلص!


3# قشر الموز ممكن يتاكل!

ممكن يتاكل

محدش يتخيل إن قشر الموز المُر والناشف ممكن يتاكل! لكن دول كتير بتستخدمه في الطبخ، كل اللي هنعمله نغلي القشر 10 دقايق على الأقل عشان يطرى وساعتها ممكن نضيفه لأي سموزي بنعمله ونستفيد من الفيتامينات والمعادن اللي فيه

4# وممكن يُستخدم كمسكن موضعي

مسكن موضعي

الدراسات أثبتت ان قشرة الموز ليها خصائص مضادة للالتهابات، عشان كده ممكن نحط قشرة موز على مكان لسعة حشرة أو حروق الشمس وهتخفف الحرقان وإحساس الهرش

5# قشر الموز مفيد جداً للزرع

سماد طبيعي

لو قطعنا قشرة موز وحطيناها في التربة مع أي زرع هتكون سماد مغذي جدا، وفي نفس الوقت هتبعد أي حشرات عن الزرع



6# وكمان بيلمع الزرع المنزلي

تنضيف الزرع

لما الزرع البيتي يترّب مش هينضف لما نرشه ببخاخة مياه لإنها مش هتشيل التراب، الأحسن اننا نمسح الزرع بقشرة موز وهي هتشيل التراب وتخلي الزرع شكله صحي وبيلمع

تعليقات فيسبوك