in

5 فوايد مدهشة لمضغ اللبان و4 أضرار ممكن يسببهم لك!

5 فوايد مدهشة لمضغ اللبان و4 أضرار ممكن يسببهم لك!

السنان هي أول حاجة بتخطر في بالنا لما نتكلم عن مضغ اللبان، لكن الحقيقة إن تأثير اللبان أكبر من كده بكتير. فوايد صحية ماكنتوش تتخيلوها وفي نفس الوقت أضرار لازم تخلوا بالكم منها!

1# بيضيع ريحة النفس الوحشة!

مش بس عشان ريحة اللبان حلوة أو منعشة. مضغ اللبان بيزود إفراز اللعاب في البُق، ده بيقلل البكتيريا اللي بتسبب الريحة الوحشة في البُق.

2# لكن كتره بيسبب مشاكل للسنان واللثة!

رغم إن اللعاب الزايد بيقلل البكتيريا في البُق، السكريات اللي في اللبان بتشجع نمو البكتيريا في السنان نفسها وحوالين اللثة. أكل اللبان اللي فيه سكريات بصفة مستمرة وطول الوقت هيسبب تسوس السنان وأمراض اللثة خصوصا للناس اللي سنانها ضعيفة أو عندها لثة حساسة.


3# بيقلل الحموضة!

اللعاب الزيادة الناتج عن مضغ اللبان ليه فوايد تانية غير تحسين ريحة البُق! بلع اللعاب (الريق) بيوازن أحماض المعدة وبيمنعها من الطلوع للمريئ والتسبب في الحرقان والحموضة. مضغ اللبان لمدة نص ساعة بس ممكن يحمينا من الحموضة لمدة 3 ساعات كاملين!

4# ممكن يسبب انتفاخ!

مع بلع الريق واحنا بناكل لبان بنبلع كمية من الهوا، ومضغ اللبان بكمية كبيرة أو طول اليوم مثلا هيخلينا نبلع كمية كبيرة من الهوا. الهوا ده هيتفاعل مع المعدة والبكتيريا اللي فيها وممكن يسبب لنا انتفاخ.  

5# بيساعد في خسارة الوزن!

طبعا يستحسن اللبان اللي مفيهوش سكر، لكن حتى اللبان المسكر بيساعد في خسارة الوزن وتجنب التخن! لإن مضغ اللبان بيقلل الوجبات الخفيفة اللي ممكن ناكلها طول اليوم أو الأكل بسبب التوتر أو الزهق! زائد إن في دراسات أكدت إن اللبان بيقلل الشهية والإحساس بالجوع وكل ده بيحمينا من أكل كميات تسبب زيادة الوزن.



6# ممكن يضر الفك!

التعود على أكل اللبان كل يوم لفترات طويلة بيخلي الفك يبذل مجهود كبير ويتحرك حركة متواصلة متعبة وده ممكن يسبب مشاكل في الفك لبعض الناس، خصوصا لو عندهم متلازمة تمزق الفك أو أي مشاكل تانية.

7# بيزود التركيز والكفاءة!

اللبان بيزود تركيز الدماغ على المهمة اللي بيعمها زي المذاكرة أو الشغل أو غيرهم، لإنه بيقلل تشتت الدماغ بأي أنشطة مش مهمة أو مؤثرات خارجية. ده بيخلينا قادرين نركز بسهولة أكبر وبالتالي نحقق نتايج أحسن!

8# ممكن يضر حشوا السنان!

اللبان لما بيتمضغ لفترة طويلة بيبقى لزج أكتر وبيلزق جدا في السنان واللثة، طبعا ده ممكن يضرنا لو عندنا أي حشو في سناننا لإن الحشو ممكن يتاكل بسبب اللبان مع الاستمرارية ويسبب مشاكل ووجع كبير.

9# بيسلي ويخفف التوتر!

اللبان بيقلل التوتر والضغط العصبي وفي نفس الوقت مسلي ومحبوب، يعني الجسم نفسه بيحس بالاكتفاء بكمية السكر اللي في اللبان وبعملية المضغ اللي بتحسس الواحد كإنه بياكل، السببين دول بيخلوا اللبان محبوب جدا وطريقة بسيطة لتمضية الوقت من غير زهق أو أكل كتير!