in

16 نوع أكل المفروض ما يدخلوش التلاجة

كلنا بنخزن أي حاجة في التلاجة عشان نحافظ عليها، لكن في أكل الأحسن انه يفضل بره التلاجة عشان يفضل فريش!

1# الخيار

الخيار

الخيار المفروض يطلع من التلاجة حالا! الغلط المنتشر بتخزين الخيار في التلاجة بيخليه يدبل ويبقى طري وكله مياه

2# الطماطم

الطماطم

برودة التلاجة بتغير المواد الكيميائية في الطماطم وده بيأثر على طعمها. الأحسن اننا نخزن الطماطم بره التلاجة عشان يبقى طعمها فريش أكتر


3# الشوكولاتة

الشوكولاتة بتفضل محتفظة بأحسن طعم ليها لما نخزنها في مكان بعيد عن الحرارة والرطوبة. لكن ما نحطهاش في التلاجة عشان ما تأثرش على قوامها وطعمها

4# المخلل

المخلل

مياه المخلل المالحة بتحافظ عليه من التلف والبكتيريا وبتخليه مش محتاج يتحط في التلاجة

5# البتنجان

البتنجان

التلاجة بتطفي طعم البتنجان، عشان كده يستحسن نسيب البتنجان بره التلاجة ما دام هنستخدمه في خلال كام يوم. طبعا نراعي اننا ما نسيبوش فترة طويلة عشان مايبوظش.



6# العيش

تخزين العيش في التلاجة بيبعد عنه العفن بس في نفس الوقت بينشّفه. يستحسن نخلي العيش بره التلاجة طول ما احنا بنستخدمه. أما لو كتير وعايزين نخزنه، نحطه في الفريزر لوقت ما نحتاجه

7# الصلصة الحارة (الحراقة)

الخل والمواد الحافظة في الصلصة الحارة الجاهزة بتخليها تعيش بره التلاجة لفترة طويلة، لكن لو دخلناها التلاجة ممكن تقلل قوة طعمها مع الوقت وتبقى باردة!

8# عسل االنحل

برودة التلاجة بتخلي العسل يجمد، العسل بيكون في أحسن حالاته لما نحتفظ بيه في درجة حرارة الغرفة

9# المكسرات

المكسرات

التلاجة بتخلي المكسرات رطبة وبتضيع طعمها، الطريقة الصح لتخزين المكسرات من غير ما تجلد أو طعمها يروح هي اننا نخزنها في علبة بتتقفل كويس في دولاب المطبخ

10# الأفوكادو

الأفوكادو

الأحسن للأفوكادو انه يتخزن في درجة حرارة الغرفة وخصوصا لو جامد، أو لو مستوي وهنستخدمه على طول مش هنسيبه لبعدين

11# الفلفل الألوان

الفلفل الألوان

التلاجة بتخلي الفلفل الحلو طري وبتضيع طعمه. المفروض نسيبه بره التلاجة عشان يفضل فريش

12# البُن

البن

التلاجة هتخلي البُن مندّي وهتأثر على طعم القهوة. أحسن تخزين للبُن هو اننا نحطه في علبة أو برطمان بيتقفل كويس في دولاب المطبخ بعيد عن الحرارة والرطوبة

13# البصل

البصل

البصل محتاج هوا عشان يفضل فريش، ما يدخلش التلاجة إلا لو اتقطع

14# الريحان

الريحان بيسوّد بسرعة لما يتخزن في درجة حرارة منخفضة. الأحسن اننا نحتفظ بيه في مكان بعيد عن النور والحرارة، ونغطس أعواد الريحان في كوباية مياه ونحط عليه من فوق كيس بلاستك

15# البطيخ السليم

البطيخ السليم

طول ما البطيخة سليمة هتعيش بره التلاجة وتفضل فريش من غير قلق، ولما نقطعها ندخلها التلاجة

16# البطاطس

البطاطس

درجات الحرارة المنخفضة بتحوّل النشا اللي في البطاطس لسكر وده بيخلي البطاطس محببة وطعمها مسكر ومش مناسبة لكل أنواع الطبخ