in

12 حاجة عبقرية ممكن نعملها بقوالب التلج!

قوالب التلج ممكن تفيدنا في حاجات أكتر بكتير من مكعبات التلج، شوفوا معانا الحاجات اللذيذة اللي ممكن تطلع من قوالب التلج!

1# مكعبات شوكولاتة بالتشيز كيك!

هنحط قطعة تشيز كيك صغيرة في كل قالب ونغطيها بالشوكولاتة السايحة ونسيبهم في التلاجة. وبقى عندنا مكعبات تشيز كيك بالشوكولاتة نقدر ناخد منهم مكعب كل مرة

2# نخزن الأعشاب

نقدر نحتفظ بالأعشاب زي الزعتر والروزماري والكزبرة وغيرهم في مكعبات زيت زيتون في الفريزر ونخرجها عند الاستخدام عشان تفضل فريش!


3# مكعبات قهوة

نجمد مكعبات قهوة نعمل بيها آيس كوفي بدل ما نستخدم تلج عادي يضيع طعم القهوة

4# فراولة بالشوكولاتة بأسهل طريقة

تحلية سهلة ومناسبة كهدية كمان

5# تخزين أكل البيبي لبعدين

بدل ما نعمل أكل البيبي كل مرة أو نعمل كمية وتبوظ، نقدر نخزنه في قوالب التلج في الفريزر ونسخن الكمية اللي نحتاجها في أي وقت



6# نعمل سوشي بأسهل طريقة

عشان تبقى شيف سوشي بدون معلّم

7# نخزن الصلصة البيتي

مكعبات صلصة جاهزة نقدر نسخنها وقت ما نحتاج في ثواني

8# نعمل سموزي كريمي

نجمد الزبادي والموز في قوالب التلج ونعمل بيهم أي سموزي وهيخلوه تقيل وكريمي والأهم أنه هيكون صحي كمان

9# شوكولاتة بزبدة الفول السوداني

هنحط طبقة شوكولاتة في كل قالب وبعدها نص معلقة كبيرة زبدة فول سوداني ونغطيها بالشوكولاتة ونجمدهم نص ساعة وبالهنا

10# مكعبات شوكولاتة متلجة

نجمد الشوكولاتة في قوالب التلج وبعدين نحطها مع اللبن ونعمل أحلى شوكولاتة باللبن!

11# نجمد عصير الفاكهة ونضيفه للمشروبات الغازية

تجربة منعشة ولذيذة كل مرة

12# نحتفظ بمرقة اللحمة والفراخ لبعدين

بالطريقة دي نقدر نسيح الكمية اللي هنحتاجها بس، وهيعيش معانا شهرين في الفريزر

تعليقات فيسبوك