in

11 حاجة مينفعش يدخلوا الميكروويف أبداً!

لازم نخلي بالنا إيه اللي ينفع يتسخن في الميكروويف وإيه اللي ماينفعش، لإن في حاجات ممكن تضر صحتنا أو تبوظ الميكروويف أو حتى تسبب حريق! شوفوا معانا اهم الحاجات اللي مينفعش ندخلها الميكروويف

1# البيض بقشره

لو سلقنا البيض في الميكروويف بقشره الحرارة السريعة هتعمل بخار زيادة مالوش مكان يخرج منه جوه القشر ودة ممكن يخلي البيض ينفجر في الميكروويف أو يحرق إيدينا لما نقشره

2# اللحمة

ناس كتير بتدخل اللحمة المجمدة الميكروويف عشان تفك، لكن ده بيسبب مشاكل كتير زي ان اللحمة بتفك أو تتطبخ من الأطراف وتفضل مجمدة من النص، وخصوصا أنواع الميكروويف اللي مابتلفش الاكل ده هيخلي توزيع الحرارة غير متساوي واختلاف الحرارة هيسبب نمو البكتيريا على اللحمة. أسلم طريقة هي اننا نخرج اللحوم المجمدة من الفريزروندخلها التلاجة تفك من قبلها بيوم


3# لبن الرضاعة

الميكروويف مابيدفيش اللبن بشكل متساوي وممكن يخلي أجزاء منه سخنة جدا وتلسع البيبي، غير إن الطريقة دي ممكن تدمر بروتين تعزيز المناعة اللي في اللبن وده أهم عنصر في لبن الرضاعة.

4# الاكياس البلاستيك

الاكياس البلاستيك ممكن تسيح في الميكروويف أو تنفجر بسبب ضغط بخارالأكل

5# الأطباق الفلين

الأطباق والكوبايات المعمولة من الفلين المضغوط لمما تتسخن ممكن تخرج مواد كيميائية ضارّة جوه الأكل



6# الأطباق المزخرفة

مينفعش نسخن الأكل في الصيني المزخرف أو أي اطباق عليها زخرفة معدن مهما كان المعدن قليل لأنه ما زال ممكن يتفاعل في الميكروويف

7# الفويل الألومونيوم

الفويل الألومونيوم معدن لو دخل الميكروويف هيفرقع وممكن يسبب حريق!

8# المج الحراري

الاستانلس ستيل اللي في الترمس أو المج الحراري بيمنع الميكروويف إنه يسخّن اللي جوا المج، وممكن برده يبوظ الميكروويف

9# الشنط الورق

الحرارة الشديدة في الميكروويف ممكن تخلي ورق الشنط يشتعل ويسبب حريق

10# علب الزبادي أو الكريمة أو أي علب بتستخدم مرة واحدة

العلب البلاستيك المصممة للاستخدام مرة واحدة مش قوية كفاية عشان تتحمل حرارة الميكروويف، ممكن تسيح أو تتطبق وينتج منها مواد ضارة بصحتنا

11# الولا حاجة!

لو شغلنا الميكروويف وهو فاضي هيمتص الأشعة بتاعته وهيبوظ وممكن يسبب حريق.