in

10 حاجات بتاكلوها “بحشراتها” من غير ما تعرفوا!

حتى لو بتحاولوا دايما تتأكدوا من نضافة الحاجة قبل ما تاكلوها، الدراسات أكدت ان كل فرد بياكل نص كيلو أو كيلو حشرات في السنة من غير ما يعرف! لكن ماتقلقوش حتى الكمية دي مفيهاش ضرر ومصرح بيها من منظمة الغذاء والدواء العالمية! هنقولكم على 10 حاجات بتاكلو فيها حشرات كل يوم من غير ما تعرفوا

1# زبدة الفول السوداني

برطمان زبدة الفول السوداني الـ 500 جرام ممكن يبقى فيه لحد 136 جزء من حشرات (الراس، الهيكل، الرجلين) قبل ما يعتبر مضر! لإن الحشرات موجودة في كل مراحل إنتاج الأكل من أول مرحلة الزراعة للتصنيع والتعبئة والتخزين مفيش مفرّ منها

2# الشوكولاتة

بالمعايير المصرح بيها، الشوكولاتة الـ 136 جرام تعتبر نضيفة لو فيها 74 جزء من حشرات أو أقل. وأكترهم أجزاء الصراصير.


3# المكرونة

اكياس المكرونة الربع كيلو ممكن يبقى فيها لحد 225 جزء من حشرات مسموح بيها قبل ما المكرونة تتصنف انها ملوثة

4# حبوب القهوة

مع كل فنجان قهوة بنشربه، ممكن نكون بنشرب معاه حوالي 120 جزء من حشرات مختلفة. طول ما نسبة الحشرات أقل من 10% في القهوة فهي تعتبر نضيفة

5# الزبيب

في كل كوباية زبيب في حوالي 35 بيضة لدبان الفاكهة و10 حشرات كاملين احنا مش شايفينهم! لكن لحسن الحظ الحشرات دي مالهاش أي تأثير على صحتنا



6# المشروم

علبة المشروم الـ108 جرام فيها حوالي 19 دودة و74 حشرة صغيرة، وعلى قد ما الفكرة تبان مقرفة لكن الحشرات دي بتبقى أصغر من إننا نلاحظها، ده غير إنها بتضيف قيمة غذائية للأكل، لدرجة إن في أنواع يرقات فيها بروتين أكتر من الفراخ والسلمون!

7# البروكلي المجمد

حشرات المن اللي بتاكل الخضرة حجمها بين 2 مللي لـ5 مللي بالكتير ومع كده هي بتشكل 10% من إجمالي الحشرات اللي بنستهلكها من غير ما نعرف لإنها بتتواجد بكترة في المحاصيل الخضرا زي البروكلي وغيره وممكن يبقى فيه 60 حشرة في كل 100 جرام بروكلي مجمد!

8# الطماطم المعلبة

علبة الطماطم الـ 450 جرام ممكن يبقى فيها 9 بيض دبان أو دودة ورغم كده تعتبر صالحة للأكل!

9# الفلفل المطحون

ممكن يكون في 475 جزء من حشرات مطحونين في 50 جم أو ربع كوباية فلفل مطحون، لكن حتى بالكمية دي بيكون الفلفل مناسب وآمن للأكل

10# القرفة

الربع كوباية قرفة ممكن يكون فيها 400 جزء من حشرات قبل ما تعتبر ملوثة أو ضارة بالصحة حسب إدارة التغذية والدواء العالمية

تعليقات فيسبوك