in

‏10 إضافات ما تتخيلهاش هتخلي قهوتك أطعم!‏

اي حد بيحب القهوة غالبا بيشربها بنفس الشكل كل يوم من غير ما يعرف ان في إضافات كتير ممكن تخلي القهوة تبقى تجربة مختلفة وجديدة في كل مرة

1# الزبدة

الزبدة في القهوة ممكن تبان فكرة غريبة جداً، لكن هتتفاجئوا بجمال الميكس ده! نص معلقة صغيرة زبدة على القهوة هتدينا طعم لذيذ نبدأ بيه يومنا

2# الملح

محدش ممكن يتخيل الملح على القهوة، لكن لو جربنا نشرب القهوة برشة ملح ممكن نغير رأينا! نفس فكرة الالكراميل والشوكولاتة الغامقة المملحة.


3# الآيس كريم

جربوا تحطوا بولة آيس كريم في فنجان القهوة السخن واستمتعوا بقهوة كريمي أحلى مما هتتخيلوا! إحساس الساقع والسخن هيعجبكم جدا ومش هتضطروا تستنوا القهوة تبرد

4# العسل

لو عايزين نحلّي القهوة بحاجة صحية بدل السكر أو المحليات الصناعية، مافيش أحسن من العسل، هيحلي القهوة ويدينا طاقة كمان

5# الليمون

قبل ما تقشعروا من الفكرة، خدوا فرصة وجربوا تعصروا شوية ليمون على القهوة وهتتفاجئوا ان لسعة الليمون مع الطعم القهوة المركز عاملين ميكس حلو جدا ومنعش بشكل مش معقول!



6# مستخلص الفانيليا

الفانيليا بتاخد القهوة لمستوى مختلف تماماً، جربوا تعملوا اللاتيه بمستخلص الفانيليا بدل مُبيّض القهوة أو اللبن، لكن خلوا بالكم، الميكس ده إدمان!

7# لبن جوز الهند

بديل نباتي صحي وأقل سعرات حرارية من اللبن العادي، والأهم انه مسكّر وكثيف، بيخلي القهوة أحلى ومركزة أكتر

8# الشوكولاتة السايحة

معلقة شوكولاتة سايحة في القهوة هتخليها مركزة أكتر وكريمي وحلوة بشكل فوق الوصف!

9# الحبهان

الحبهان مع القهوة بيدينا طعم قوي ومميز جدا! ناس كتير بتحب تشرب القهوة المحوجة بالحبهان، لكن لو عندنا قهوة عادية مكن بعد ما نعملها نرش عليها رشة خفيفة بودرة حبهان ونستمتع بنفس الطعم

10# جوزة الطيب

الطعم اللاذع والحلو لجوزة الطيب بيخلوها إضافة ممتازة هيحبها عشاق القهوة، كمية بسيطة من جوزة الطيب في فنجان القهوة هتنقلنا لعالم تاني!