in

10 أنواع أكل الناس يا تحبها أوي يا تكرهها!

 في أكل محايد، يعني ممكن مانحبوش بس نقبله أو ناكله من غير مشاكل. لكن الأكل اللي جاي مفيهوش وسط! الناس يا بتحبه أوي يا بتكرهه جدا!

1# العرقسوس

العرقسوس

حب أو كره العرقسوس مرتبط بحاسة الشم والتذوق.  مزيج الأنيثول اللي ريحته شبه اليانسون مع طعم العرقسوس اللي شبه المحليات الصناعية ممكن يا يعجبك يا يزعجك جدا، مفيش وسط!

2# الجبنة الريكفورد (الجبنة الزرقا)

الجبنة الريكفورد (الجبنة الزرقا)

ناس كتير مابيقبلوش ريحة الجبنة الريكفورد ولا يمكن تذوقها، لكن ناس تانية بيحبوا ياكلوها جدا بغض النظر عن ريحتها. السر إن طعم الجبنة بيخليهم يتجاهلوا ريحتها

3# المايونيز

المايونيز

في ناس ممكن تحط المايونيز على كل حاجة وناس بتعتبر المايونيز إضافة مرفوضة تماما وبيتضايقوا من طعمه! في دراسة بتقول ان قوام المايونيز اللزج سبب من أسباب عدم حب الناس ليه

4# الرنجة

الرنجة

في ناس مدمنة للرنجة وممكن تاكلها حاف أو مع العيش والسلطة، وناس كتير تانية ما بتحبش تقربلها من شكلها ودرجة ملوحتها ومابيعرفوش ياكلوها ازاي!


5# الفلفل الرومي (الأخضر)

الفلفل الرومي (الأخضر)

الفلفل الرومي بيتقطف قبل ما يستوي وعشان كده بيكون ناشف أكتر وطعمه مر أكتر من الفلفل الحلو، السبب اللي بيخلي ناس كتير ماتحبوش أبداً في الأكل!

6# الزيتون

الزيتون

رغم ان في ناس كتير بتحب تاكل الزيتون في السلطة أو تقزقزه لوحده، في ناس بيشوفوا ان الزيتون مجلد و لزج. وده بيختلف على حسب نوع الزيتون إن كان طازة أو  معلب

7# أم الخلول (المحار)

أم الخلول (المحار)

في الغالب االناس يا بتحب أم الخلول أوي يا إما بتندم انها داقته! مع إن ناس كتير ممكن تحبه مع عصرة لمون أو صوص حراق مثلا، لكن في ناس مابتقبلهوش بأي شكل من الأشكال!

8# الشوكولاتة البيضاء

الشوكولاتة البيضاء

الشوكولاتة البيضا ليها عشاقها طبعا ورغم كده في ناس ما بتعترفش انها شوكولاتة من الأساس لإنها مفيهاش كاكاو وبالتالي صعب يتقبلوها!

9# البيتزا بالأناناس

البيتزا بالأناناس

من أكتر الحاجات اللي عليها خلاف حاد. عشاق البيتزا ما بيتقبلوش طعم الأناناس المسكر، رغم ان الناس اللي بتحب البيتزا دي بتحبها بسبب ميكس الطعم المسكر مع الحادق اللي بيعمله الأناناس على البيتزا

10# الكزبرة

الكزبرة

ناس كتير بيحبوا الكزبرة وبيضيفوها في أطباق كتير عشان تزينها وتضيف طعم مميز. في نفس الوقت ناس كتير بالنسبالهم الكزبرة طعمها زي الصابون أو رغوة الحلاقة وبيتجنبوا أي حاجة فيها كزبرة.