in

اختبار للأكِّيل الناصح | أنهي أكلة فيها كالوريز أكتر؟

إختبار للأكِّيل الناصح | أنهي أكلة فيها كالوريز أكتر؟

إختبار للأكِّيل الناصح | أنهي أكلة فيها كالوريز أكتر؟

مش هيقفل الاختبار ده غير اللي فاهم أكله صح!

أنهي فيه كالوريز أكتر؟

السكر
العسل

 

(معلقة صغيرة من العسل فيها 23 كالوري، في حين إن معلقة سكر صغيرة فيها 16 كالوري! السر إن العسل طعمه مسكر أكتر، فبنحتاج منه كمية أقل من كمية السكر اللي ممكن نستخدمها)

انهي فيه كالوريز أكتر?

زيت الزيتون البكر
الزبدة

 

(معلقة كبيرة زبدة فيها 102 كالوري، ومعلقة كبيرة من زيت الزيتون البكر 119 كالوري! لكن معظمها دهون أحادية غير مشبعة، ودي مفيدة لصحتنا)

مين في المشروبات دي فيه كالويرز أكتر؟

الكولا
عصير البرتقال

(340 جرام من عصير البرتقال فيهم حوالي 170 كالوري، لكن علبة الكولا اللي نفس الحجم ده فيها 140 كالوري. بعيداً عن إن الكولا مالهاش أي فوايد صحية)

أنهي فيه كالوريز أكتر؟

العنب
الزبيب

 

(رغم إن الزبيب عبارة عن عنب مجفف، نص كوباية عنب فيها 30 كالوري، أما نص كوباية زبيب فيها 220 كالوري! السبب في الفرق ده هو إن الزبيب مركز جدا ومليان سكر مقارنة بالعنب اللي بيبقى فيه مياه كتير)

أنهي فيه كالوريز أكتر؟

المايونيز
المسطردة

 

(معلقة كبيرة من المايونيز فيها 57 كالوري، ونفس حجم المعلقة من المسطردة فيه 7 كالوري بس!)

أنهي فيه كالوريز أكتر؟

الفراولة
الموز

 

(كوباية الفراولة فيها 47 كالوري، لكن الموزة المتوسطة الواحدة فيها 107)

أنهي فيه كالوريز أكتر؟

دريسنج الرانش
الحمص المهروس

 

(معلقة كبيرة من دريسنج الرانش فيها 73 كالوري، لكن نفس المعلقة من كريمة الحمص فيها 25 كالوري بس)

انهي فيه كالوريز أكتر؟

الكاجو
اللب الأبيض

 

(كل 100 جرام كاجو فيهم 588 كالوري، وكل 100 جرام لب أبيض فيهم 541 كالوري)

أنهي فيه كالوريز أكتر؟

التونة
السلمون

 

(الـ 85 جرام تونة فيهم 92 كالوري، لكن نفس الكمية من السلمون  فيها 177 كالوري. عموما الاتنين مفيدين جدا)

الكالوريز في التوست الأبيض وللا البني أكتر؟

التوست الأبيض
التوست البني

(الشريحة الواحدة من توست القمح الكامل أو التوست البني فيها 100 كالوري. أما الشريحة الواحدة من التوست الأبيض فيها 80 كالوري، لكن التوست البني بيستخدم أكتر في دايت تخسيس الوزن لإنه بيشبع لفترة أطول مش لإن الكالوريز قليلة زي ما الناس فاكرة!)

الرز وللا المكرونة، أنهي فيه كالوريز أكتر؟

المكرونة
الرز

 

(رغم إن الفرق مش كبير أوي، كل 100 جرام من المكرونة المسلوقة فيها 137 كالوري، والـ 100 جرام رز مطبوخ فيها 130 كالوري)

أنهي فيه كالوريز أكتر؟

المانجا
الأفوكادو

 

(ثمرة الأفوكادو المتوسطة ممكن تعدي الـ 300 كالوري، أما المانجاية المتوسطة بتحتوي على 200 كالوري بس)

أنهي فيه كالوريز أكتر؟

البطاطا الحلوة
البطاطس

 

(البطاطساية الصغيرة فيها 86 كالوري، لكن ثمرة بطاطا حلوة بنفس الحجم بالظبط هيكون فيها 77 كالوري بس)

أنهي فيه كالوريز أكتر؟

الخيار المخلل
الجزر المخلل

(الخيارة الكبيرة فيها 24 كالوري، أما الجزرة المخللة من نفس الحجم فيها 30 كالوري، مع العلم إن الجزر المخلل فيه كاربوهيدرات أكتر ونسبة فيتامين أ عالية)

أنهي فيه كالوريز أكتر؟

السمنة
الزبدة

 

(معلقة كبيرة من السمنة فيها 117 كالوري، أما معلقة كبيرة من الزبدة فيها 100 كالوري. فرق مش بسيط للي بياكل الكالوريز بحساب!)

أنهي فيه كالوريز أكتر؟

الفول المدمس
صدور الفراخ المفتتة

 

(كوباية صدور فراخ مفتتة فيها 335 كالوري، أما كوباية فول مدمس فيها 237 كالوري)

أنهي فيه كالوريز أكتر؟

شوربة البروكلي
كورن دوج

(طبق شوربة البروكلي بالجبنة فيه 500 كالوري، أما طبق الكورن دوج فيه 460 كالوري بس!)

أنهي فيه كالوريز أكتر؟

الهالبينو بالجبنة
صوابع الموتزريلا المقلية

(طبق صوابع الموتزريلا الصغير فيه 360 كالوري، في حين إن طبق بنفس الحجم من الهالبينو بالجبنة فيه 440 كالوري!)

أنهي فيه كالوريز أكتر؟

الشوكولاتة باللبن
الشوكولاتة الدارك

(بار الشوكولاتة باللبن فيه 580 كالوري، لكن بار شوكولاتة دارك بنفس الحجم فيه 610 كالوري! لكن الشوكولاتة الدارك فيها دهون أقل ومفيدة أكتر لصحتنا)

أنهي فيه كالوريز أكتر؟

الجيلي كولا
اللوز

(الـ25 جرام لوز فيهم 168 كالوري، في حين إن 25 جرام جيلي كولا فيهم 93 كالوري بس! لكن طبعا الجيلي كولا كلها كربوهيدرات على عكس اللوز اللي فيه عناصر غذائية كتير مفيدة لصحتنا)

All 20 questions completed!


شير النتيجة:

إختبار للأكِّيل الناصح | أنهي أكلة فيها كالوريز أكتر؟

Want more stuff like this?

Get the best viral stories straight into your inbox!
Don`t worry, we don`t spam