in

أكتر 8 أكلات بتحسن صحة المُخ!

مُخنا محتاج عناصر معينة عشان يبقي أقوى زيه زي جسمنا، وفي أنواع من الأكل مفيدة للمخ بالذات. جمعنالكم أكتر 8 أكلات بتحسن وظايف المُخ وإزاي هتفرق معاكو بشكل كبير!

#1 عين الجمل

المكسرات والبذور، وأولهم عين الجمل، مصادر غنية بفيتامين E اللي بيحمي المخ من مرض الزهايمر وتراجع الإدراك واحنا بنكبر في السن

#2 البيض

البيض فيه مغذي إسمه كولين شبه فيتامين “ب”. لما بناكل البيض مُخنا بيستفيد من الكولين ده عشان يكوّن ناقل عصبي اسمه “أسيتيل كولين” اللي بيلعب دور في المحافظة على الذاكرة والاتصال بين خلايا المُخ


#3 التوت الأزرق

االتوت الأزرق غني بمضادات الأكسدة، بيحمي المُخ من الأكسدة وبيساعد على الأمراض المرتبطة بالتقدم في السن زي الزهايمر والخرف. كمان التوت  البري والفراولة ليهم دور في تحسين الذاكرة وتناسق المُخ

#4 الأفوكادو

غني بالأحماض الأحادية الغير مشبعة اللي بتساعد على تدفق الدم للمُخ بشكل صحي وبتقلل ضغط الدم وده بيخلي المُخ في أحسن حالاته ويحميه من الجلطات والضغط العالي

#5 الخضروات الورقية

الخضروات الورقية فيها مضادات أكسدة قوية بتحمي المٌخ من الشوارد الحرة السّامة. في دراسة عن عدد من الستات المسنة أثبتت إن الستات اللي كانوا بيكالو خضروات ورقية أكتر من غيرهم كان مُخهُم أقرب لنشاط مُخ الستات اللي أصغر منهم بسنة أو سنتين



#6 السلمون

أسماك المياه الباردة زي السلمون والتونة وغيرهم غنية بأحماض أوميجا 3 الدهنية اللي بتلعب دور مهم في تعزيز الإدراك والقدرات العقلية للشباب

#7 القهوة

الكافيين بيحسن الذاكرة قصيرة المدى وبيخلي ردود الفعل أسرع، عشان كده القهوة بتساعدنا في الامتحانات اللي معتمدة على الذاكرة. نفس السبب اللي بيخليها بتقلل من خطر الزهايمر

#8 الحبوب الكاملة

الحبوب الكاملة اللي بتتهضم ببطء زي الرز البني والشوفان والشعير والكينوا وعيش القمح الكامل بتدعم المُخ بالمغذيات الخام اللي مش موجودة في الدقيق الأبيض، زي فيتامين E والألياف ومضادات الأكسدة. المغذيات دي بتخلي الدم يوصل بشكل أحسن لخلايا المُخ