تسالي

اعرف عم شكشك الحقيقي

مين فينا ما اتفرجش على بوجي وطمطم المسلسل الرمضاني الشهير اللي استمر يتعرض على مدار 18 موسم كامل,مين فينا مش فاكر بوجي “يونس شلبي” وطمطم “هالة فاخر” والشخصية الجميلة شخصية عم شكشك وجملته المشهورة “هات العصاية يا ولد” لكن مين هو المبدع اللي ابدع في تجسيد الشخصية دي, هو الفنان رافت فهيم واللي كتير مننا مايعرفش حاجة عن حياته أو مسيرته الفنية.

حياته:

“رأفت فهيم عبدالنبي” من مواليد الاسكندرية في 1 نوفمبر سنة 1927 حاصل على بكالوريوس تجارة جامعة عين شمس سنة 1963 واشتغل موظف في جامعة القاهرة, وبعدين انتقل للعمل الاذاعي ومن اشهر اعماله الاذاعية برنامج “همسةعتاب” واللي اشتهر فيه بجملة “فوت علينا بكرة يا سيد” ده غير كتير من الاعمال الاذاعية اللي شارك فيها زي “حاج فلق” واشتغل في فرقة “ساعة لقلبك” واتوفى في 28 فبراير سنة 2011 بسبب امراض الشيخوخة.

اعماله:

شارك فهيم في 104 عمل فني على مداره تاريخه زي مسلسل القضاء في الاسلام وساكن قصادي ورأفت الهجان وفوازير زي النهاردة وعمو فؤاد رئيس تحرير وفيلم امير الانتقام واهل القمة ده غير طبعا “بوجي وطمطم” واللي خلد فيه اعظم ادواره على مدار تاريخه.

وفاته:

اختفى فهيم عن الساحة الفنية من سنة 1992 ويقال انه قضى اخر ايامه في شقة صغيرة مع ولد من اولاده في شارع نادي الصيد في الدقي ودخل في حالة فقدان تدريجي للبصر واتدهورت صحته بشكل كبير جدا بسبب الشيخوخة لحد ما اتوفى في 28 فبراير سنة 2011.

شير