تسالي

اتعرف على ابطال باور رينجرز الحقيقيين

باور راينجرز او مغامرون القوة مساسل اجنبي مدبلج كان بيتعرض فى رمضان ايام التسعينات وكنا كلنا واحنا صغيرين بنتجمع حوالين الشاشة علشان نتفرج على المسلسل ده ,كانت ذكريات جميلة لكننا ولحد النهاردة مافكرناش مين هما الابطال الحقيقيين للمسلسل اللي كلنا استمتعنا بيه.

جايسون دايفيد فرانك:

من مواليد 4 سبتمبر 1973 وكان بيجسد شخصية المغامر الاخضر واللي اتحول بعديها للمغامر الابيض ومثل جايسون فى المسلسل ده وعمره 19 سنة وكان اسمه فى المسلسل “تومى اوليفر” واستمر فى شخصية المغامر الابيض 3 مواسم من 1993 الى 1996 وبعدين جسد شخصية المغامر الاحمر فى الموسم الرابع والخامس سنة 1996و1997.

ستيف كارديناس:

من مواليد 29 مايو سنة 1974 وجسد شخصية المغامر الاحمر “روكى دى سانتوس” من 1993 الى 1996 وبعدين اتحول للمغامر زيو الازرق فى موسمين 1996 و1997.

ايمى جوجونسون:

من مواليد 6 اكتوبر 1970 وهى مش بس ممثلة دي كمان مغنية وشاعرة وسيناريست ومنتجة ومخرجة وهى صاحبة دور “كيمبرلي هارت” المغامرة الوردية فى مسلسل باور رينجرز فى اول 3 مواسم.

دايفيد يوست:

دايفيد هارولد يوست من مواليد 7 يناير 1969 وهو ممثل ومنتج امريكي وجسد شخصية “بيلي كرانستون” المغامر الازرق فى اول 4 مواسم من مسلسل مغامرن القوة من 1993 الى 1997.

كاران اشلى:

مثلت دور “عايشة كامبل” المغامرة الصفراء فى اول 3 مواسم من مسلسل مغامرو القوة, ولكنها اختفت بعد كده وماكملتش فى مجال العمل الفني.

والتر جونز:

والتر ايمانويل جونز من مواليد 30 نوفمبر 1970 مثل اول موسمين من المسلسل وكان بيقوم بدور “زاك تايلور” المغامر الاسود فى المسلسل واللي مثله مكانه بعد كده “جوني يونج بوتش”.

جونى يونج يوتش:

اكتر واحد مثل فى مسلسلات باور رينجرز من الجيل القديم وهو من مواليد 6 يناير 1976 وهو ممثل وموسيقى ومقلد اصوات امريكي مثل دور “ادم بارك” المغامر الاسود والاخضر فى مسلسل باور رينجرز من 1994 الى 1997 وظهر فى حلقة واحدة فى موسم 1998 واعتزل وظهر ضيف شرف فى حلقتين من موسم 2007.

شير