تسالي

ابطال الف ليلة وليلة بره الاضواء

“الف ليلة وليلة” في الاصل هو كتاب بيتضمن مجموعة من القصص اللي وردت في غرب وجنوب اسيا واللي اتجمعت واترجمت للعربية خلال العصر الذهبي الاسلامي والكتاب معروف في اللغة الانجليزية باسم “الليالي العربية” وصدرت اول نسخة منه سنة 1706 ومن اشهر شخصيات الكتاب “شهرزاد وشهريار وعلاء الدين وسندباد” وغيرهم ولكن في ابطال اتكلم عنهم الكتاب وماكانش ليهم نصيب في الشهرة اللي كانت لغيرهم من الابطال.

يونان:

حاكم واحدة من مدن فارس القديمة (اذربيجان حاليا) وهو احد ابطال قصة “الوزير والحكيم دوبان” وبتدور احداث القصة حوالين مرض “الملك يونان” بمرض الجذام ولكنه بيخف على ايد “الحكيم دوبان” علشان كده بيكرمه الملك وبيغدق عليه من نعمه وده اللي خلى وزير الملك يونان يحسده ويحقد عليه,علشان كده بيقوم الوزير بتحريض الملك على الحكيم فاخترع اشاعة بتقول ان “دوبان” بيدبر خطه لخلع الملك من العرش, فيقرر الملك اعدام دوبان, وفي يوم يموت الملك يونان وهو بيقرا كتاب للحكيم دوبان واللي اكتشفوا بعدها ان صفحات الكتاب ده مسمومة.

احمد:

هو ابن سلطان جزر الهند الثلاثة الاصغر وكان بيمتلك الخيمة السحرية واللي كانت بتوسع لدرجة انها ممكن تكون ملجأ لايواء الجيش وبتصغر بحيث انه ممكن يحطها في جيبه,سافراحمد سمرقند واشترى تفاحة بتشفى اي مريض علشان يشفي بيها الامير باريبانو من سيطرة الجن.

على شار:

بطل قصة “علي شار وزمرد” واللي بيورث ثروة طائلة بعد موت والده ولكنه بيبددها بسرعة علشان يعيش حياة الفقر والتشرد لمدة كبيرة لحد ماقابل الجارية زمرد في سوق العبيد واللي بتديله فلوس علشان يشتريها ويعيشوا مع بعض في سلام لمدة سنة وفي يوم تتخطف زمرد ويفضل “علي” طول القصة يدور عليها.

الامير على:

هو ابن سلطان جزر الهند واللي بيسافر ل”شيراز” عاصمة ايران في الوقت ده وبيشتري الزجاج السحري واللي بيمكنه من رؤية مئات الاميال من المسافات من خلاله.

سندباد الحمال:

حمال فقير بيعيش في بغداد, وكان في يوم قاعد بيعيط جنب بيت تاجر غني “السندباد البحري” واللي سمعه وهو بيعيط فنده عليه وعجبه ان الاثنين اسمهم على اسم بعض علشان كده قرر “السندباد البحري” انه يحكيله مغامراته.

شير